Ujerumani yapiga jeki UNICEF kuendeleza haki za watoto Libya

21 Julai 2014

Serikali ya Ujerumani imetoa kiasi cha euro 100,000 kwa Shirika la Umoja wa Mataifa linalohusika na Watoto, UNICEF, ili kuliwezesha shirika hilo kutekeleza miradi yake nchini Libya.

Kiasi hicho cha fedha kitasaidia kufanikisha kampeni ya kitaifa inayotekelezwa sasa nchini Libya ya lengo la kuwezesha watoto kutambua haki zao. Makabidhiano ya fedha hizo yamefanyika mjini Tripoli baina ya Balozi wa Ujerumani nchini Libya, Christian Much na mwakilishi wa UNICEF nchini humo Ghassan Khalil.

Akizungumza mara baada ya kupokea msaada huo, mwakilishi huyo wa UNICEF alipongeza kutolewa kwa msaada huo akisema kwamba umetolewa wakati muafaka haswa wakati ambako taifa linapitia katika kipindi kigumu. Pamoja na mambo mengine, fedha hizo zinatazamiwa kuendeleza taasisi za kisheria na utoaji maamuzi ili kuziwezesha kutekeleza mifumo inayotoa ulinzi kwa watoto.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud