Nchi zimechukua hatua kukabiliana na uvuvi haramu-FAO

11 Juni 2014

Kuna ripoti kuwa nchi kadhaa duniani zimeanza kuchukua hatua za haraka kukabiliana na uvuvi haramu wa samaki ambao umekuwa ukifanyika sehemu nyingi.

Nchi hizo zimekuwa zikifanya jitihada za makusudi kukabiliana na hali hiyo na huenda hatua hiyo ikapata msukumo mpya kutokana na kuidhinishwa kwa mkakati mpya ambao unazitaka nchi dunia kuwajibika zaidi kukabiliana na ongezeko la meli zinazoranda randa baharini kuendesha uvuvi haramu.

Pamoja na kwamba mkakati huo mpya ni wa hiari lakini kuninishwa kwake na nchi ambazo ni wanachama wa Shirika la chakula na kilimo FAO ni ishara kwamba utekelezaji wake hautakabiliwa na vikwazo.

Mkakati huo umepitishwa leo mjini Roma ambako kunafanyika kongaano la kimataifa lililoandaliwa na kamati maalumu ya FAO.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter