Amos atembelea Chad katika ziara ya siku mbili

5 Mei 2014

Mkuu wa ofisi ya Umoja wa Mataifa ya kuratibu misaada ya kibinadamu, OCHA, Bi. Valerie Amos leo ameanza ziara yake ya siku mbili nchini Chad ambapo anatarajiwa kuchagiza kuhusu suala la hali ya kibinadamu, hususan ukosefu wa usalama wa chakula na utapiamlo na athari za mzozo wa nchi jirani Jamhuri ya Afrika ya kati, CAR nchini Chad.

Bi. Amos anatarijiwa kukutana na viongozi wa serikali na wanaharakati wa masuala ya kibinadamu kujadili mbinu za kuimarisha uwasilishaji wa misaada ya kibinadamu kwa zaidi ya watu 97,000 ambao wamekimbia CAR kuelekea Chad na jinsi ya kuunga mkono mipango endelevu ya kutatua suala la utapiamlo uliokithiri na kutokuwepo na usalama wa chakula ukanda wa Sahel ilioko Chad. Katika ziara hiyo anaambatana na Robert Piper, Mratibu wa maswala ya kibinadamu ukanda wa Sahel.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud