Ban alaani shambulio nchini Bahrain

4 Machi 2014

Katibu Mkuu wa Umoja wa Mataifa Ban Ki-moon amelaani vikali shambulio la Jumatatu kwenye kijiji cha Daih nchini Bahrain kilichosababisha vifo vya polisi watatu.

Katika taarifa ya msemaji wa Umoja wa Mataifa, Bwana Ban amekaririwa akituma rambirambi kwa familia za wafiwa na kwa serikali ya Bahrain huku akisema vitendo kama hivyo haviwezi kuhalalishwa kwa sababu yoyote ile.

Katibu Mkuu amesema anaamini kwa dhati kwamba mchakato shirikishi wa kisiasa ndiyo njia pekee ya kusonga mbele. Amewataka wananchi wote wa Bahrain kuungana na kuweka mazingira bora ya kuendeleza maridhiano

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter