OPCW yakaribisha usafirishaji wa gesi kama hatua kutokomeza silaha za kemikali

26 Februari 2014

Mratibu maalum wa jopo la pamoja la Umoja wa Mataifa na OPCW kuhusu Syria Sigrid Kaag leo amekaribisha usafirishaji wa gesi ya haradali kutoka Syria kama hatua muhimu katika kutokomeza silaha za kemikali nchini humo .

Katika taarifa yake Bi. Kaag amesema jopo hilo lina matumaini ya kusafirisha bidhaa za kemikali zilizoko nchini Syria kwa njia salama, na kwa wakati unaofaa kupitia mpangilio unaotabirika na kwa viwango vya juu.

Hata hivyo linachagiza Syria kushikilia kasi ya kutekeleza azimio la Baraza la Usalama la Umoja wa Mataifa namba 2118 na masharti ya shirika la kupinga silaha za kemikali OPCW.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter