IOM yaendelea kuwaondoa wahamiaji wa Chad walioko CAR

6 Januari 2014

Leo tarehe sita Januari imekuwa siku ya 16 tangu Shirika la Kimataifa la Uhamiaji, IOM lilipoanza kuwasafirisha wahamiaji wa Chad kutoka Jamhuri ya Afrika ya Kati, CAR, huku wahamiaji 493 wakichukuliwa kwa ndege mbili kutoka mji mkuu wa CAR, Bangui.

Idadi ya wahamiaji wa Chad walionusuriwa kutoka CAR tangu tarehe 21 Disemba sasa imefikia watu 8,855. Wanawake, watoto na wazee ndio wengi wa watu wanaochukuliwa kwa ndege.

Baada ya kusajiliwa na kupewa usaidizi wa kibinadamu wa dharura, wahamiaji hao wanasafirishwa hadi maeneo yao ya asili nchini Chad.