Ban akutana na waziri wa sheria wa Israel Bi Tzipi Livni:

29 Julai 2013

Katibu Mkuu wa Umoja wa mataifa Ban Ki-moon leo amekuatana na waziri wa sheria wa Israel na mpatanishi mkuu wa mazungumzo ya amani baina ya Israel na Palestina Bi Tzipi Livni.

Katibu Mkuu ameelezea uungaji mkono wake wa kuanza tena majadiliano ili kufikia lengo la kuwa na suluhu ya mataifa mawili. Pia ameishukuru hatua ya ujasiri ya hivi karibuni iliyochukuliwa na waziri mkuu Benjamini Netanyahu kuhusu suala hili.

Ban amekaribisha ushiriki na mchango wa Jumuiya ya nchi za Kiarabu wa kuwa na kamati ya ufuatiliaji wa amani. Amesisitiza umuhimu wa kuweka mazingira bora kwa ajili ya kuanza tena mazungumzona kuzichagiza pande zote kuchukua hatua zaidi kuhakikisha mafanikio ya suala hili.