Uchaguzi Mali ufanyike kwa amani: Ban

26 Julai 2013

Wakati Mali inajiandaa kufanya uchaguzi wa Rais jumapili tarehe 28 mwezi huu, Katibu mkuu wa Umoja wa Mataifa Ban Ki-Moon ametoa wito uchaguzi huo ufanyike kwa amani na uwazi. Bwana Ban ametaka pande zote husika kuhakikisha mchakato wa uchaguzi unafanyika kwa kuzingatia kanuni huku akiwasihi wapiga kura nchini humo kutekeleza haki yao ya kidemokrasia ya kupiga kura.

Halikadhalika ameunga mkono mwongozo wa utendaji ulioridhiwa na wagombea akisema ni matumaini yake kuwa watauzingatia ikiwemo kuhakikisha utata wowote unaojitokeza unapatiwa suluhu kwa amani na sheria. Bwana Ban amesema uchaguzi wa Mali ni muhimu katika kurejesha utawala wa kikatiba, mashauriano na maridhiano ya kitaifa huku akisisitiza kuwa Umoja wa Mataifa utaendelea kusaidia mchakato wa amani na utulivu nchini Mali.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter