Baraza la Usalama latilia shaka usalama wa Milima ya Golan

28 Machi 2013

Baraza la Usalama limetaka pande zinazozozana nchini Syria kutohatarisha usalama wa watumishi wa Umoja wa Mataifa walioko katika milima ya Golani.

Katika taarifa yake, Baraza hilo limeelezea masikitiko yake kutokana na kuzidi kuongezeka kiwango cha askari katika eneo hilo ambalo wako watumishi wa Umoja wa Mataifa walioko kwenye kikosi maalumu cha ufuatiliaji zoezi la kuondoa silaha UNDOF.

Kikosi hicho kipo kwenye milima hiyo tangu mwaka 1974 baada ya kuwepo makubaliano ya usitishwaji wa mapigano baina ya Israel na Syria.

Baraza hilo pia limeelezea wasiwasi wake likisema kuwa baadhi ya wakazi kwenye maeneo hayo wanakumbwa na vitisho vya usalama.

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter