Watu 55 wafa maji huko Somalia: UNHCR

20 Disemba 2012

Watu hamsini na watano wakiwemo raia wa Somalia na Ethiopia wanahofiwa kufa baada ya boti waliyokuwa wakisafiria kuzama kando mwa pwani ya Somalia siku ya Jumanne.

Shirika la Umoja wa Mataifa la kuhudumia wakimbizi, UNHCR limesema maiti 23 wamepatikana na watu wengine 32 bado hawajulikani walipo kwa hiyo inaaminika wamezama.

Watu hao walikuwa wakisafiri kwa boti iliyokuwa imebeba watu wengi kuliko idadi yake na ilizama robo saa baada ya kuondoka bandari ya Bosasso kwenye jimbo la Puntland la Somalia lililojitangazia uhuru.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud