Aung San Suu Kyi akubali jukumu la UNAIDS la kupinga unyanyapaa dhidi ya wenye Ukimwi

20 Novemba 2012

Mpango wa pamoja wa Umoja wa Mataifa wa kupambana na Ukimwi, UNAIDS umemteua mshindi wa tuzo ya amani ya Nobel, Aung San Suu Kyi kuongoza harakati za dunia za kupinga vitendo vya unyanyapaa dhidi ya watu wanaoishi na virusi vya Ukimwi na Ukimwi.

Taarifa ya UNAIDS inasema tayari Bi. Suu Kyi amekubali jukumu hilo wakati wa mkutano hivi karibuni kwenye makazi yake huko Nay Pyi Taw, Myanmar, kati yake na Mkurugenzi Mtendajiwa UNAIDS, Michel Sidibe.

Bi. Suu Kyi amesema anasikia fahari kuteuliwa kutetea na kuwa msemaji wa watu ambao wanatoswa na jamii katika harakati zao za kila siku za kuhakikisha wanaishi maisha yenye hadhi na kwa mujibu wa haki za binadamu.

Katika utekekelezaji wa jukumu hilo, atashawishi raia wa Myanmar na wakazi wa dunia yote wapinge vitendo vya unyanyapaa vinavyowakumba watu wenye virusi vya Ukimwi au Ukimwi.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter