Viwango vilivyowekwa kupunguza gesi chafuzi havijafikiwa: UNEP

15 Novemba 2012

Katika hatua nyingine, UNEP wiki ijayo itatoa ripoti yake mpya zaidi juu tofauti ya viwango vya utoaji wa gesi chafuzi duniani, ikiwa ni siku chache kabla ya kuanza kwa mkutano wa Umoja wa Mataifa wa mabadiliko ya tabia nchi huko Doha, Qatar.

Ripoti hiyo inaweka bayana kuwa viwango vya utoaji gesi chafuzi zinazoharibu tabaka la Ozoni ni kikubwa kuliko ilivyotarajiwa ambapo serikali zimeshindwa kutimiza wajibu wao wa kuhakikisha kiwango cha ongezeko la joto duniani hakizidi nyuzi joto Mbili kwa kipimo cha selsiyasi ifikapo mwaka 2020.

Wanasayansi 55 kutoka mataifa 22 waliandaa ripoti hiyo ambayo inapendekeza hatua kadhaa ili kufikia lengo hilo ikiwemo udhibiti katika sekta kadhaa kuanzia usafirishaji, ujenzi na misitu.

 

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter