Wafanyakazi wahamiaji Elfu Sita waomba kuondolewa Syria: IOM

5 Oktoba 2012

Shirika la uhamiaji la kimataifa, IOM limeripoti kuwa zaidi ya wafanyakazi wahamiaji Elfu Sita nchini Syria wameomba kuondolewa nchini humo.

Afisa wa IOM,  amesema wafanyakazi hao wanatoka zaidi ya nchi 23 ikiwemo Indonesia, Ufilipino, Sudan Kusini, Ethiopia, India na Bangladesh.

Mpaka sasa shirika hilo limeshasaidia wafanyakazi Elfu Mbili waliohitaji msaada kuondoka nchini Syria lakini mpango huo kwa sasa umekumbwa na uhaba wa fedha na IOM imeshindwa kupata dola Milioni Tatu na Laki Tatu kati ya zaidi ya dola Milioni Ishirini na Nusu zinazotakiwa kwa ajili ya kuwasafirisha wafanyakazi hao. Jumbe Omar Jumbe ni msemaji wa IOM.

(SAUTI YA JUMBE OMAR JUMBE)

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud