Nchi nyingi zasaini mikataba ya UM

3 Oktoba 2012

Zaidi ya mataifa 40 yanaripotiwa kupiga hatua kwa kuidhinisha ama kusaini mikataba mbalimbali ya kimataifa ikiwemo ukiwemo ule unaohusu ulinzi kwa watoto dhidi ya vitendo vya unyanyasaji na mateso mengine.

Hayo yameelezwa kufikiwa wakati wa kikao cha baraza la Umoja wa Mataifa kilichofanyika New York na kuhudhuria na viongozi wa mataifa mbalimbali wanachama.

Akijadilia kwa kina msaidizi wa Katibu Mkuu anayehusika na masuala ya sheria , Patricia O’Brien amesema kuwa hatua hiyo inatoa nukta mpya katika historia ya Umoja wa Mataifa.

Mwanadiplomasia huyo ambaye alikuwa akizungumza wakati wa kufungwa kwa kikao hicho amesifu mafanikio hayo ambayo ameyaelezea kama ni ishara ya kutia matumaini ambayo inabainisha namna nchi wanachama zilivyokuwa tayari kufanya kazi kwa umoja.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud