Mikakati ya kuchukua hatua inasaidia kukomesha matumizi ya watoto katika vita vya Silaha:UM

19 Septemba 2012

Zaidi ya mikakati 20 ya kuchukua hatua kukomesha matumizi ya watoto katika vita imeidhinishwa kote duniani.

Hii ndiyo taarifa iliyotolewa kwa Baraza la Usalama leo Jumatano na mwakilishi maalum wa UM kwa ajili watoto na vita vya silaha, Leila Zerrougui.

Amesema mipango ya utekelezaji sio tu mchakato bali ni chombo cha kipekee kilichoidhinishwa na baraza hilo kuzifanya nchi wanachama kufuata mwelekeo wake na kukomesha uhalifu dhidi ya watoto.

“Mwaka wa 2011 mipango ya kuchukua hatua ilitiwa saini nchini Afghanistan, Jamhuri ya Afrika ya Kati na Chad, na mwaka huu Sudan Kusini, Myanmar na Somalia, ambako TFG ilitia saini Agosti, mkakati wa kwanza wa kuchukua hatua dhidi ya mauaji na ubakaji wa watoto. Hadi sasa mikakati 20 ya utekelezaji imekamilika au iko katika harakati za kutekelezwa”.

Baraza la Usalama lilipitisha azimio linalolaani vikali uhalifu dhidi ya watoto, ikiwemo kuwatumia katika jeshi, kwa mauaji, ubakaji na kwa kutekeleza mashambulizi dhidi ya shule na hospitali.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter