Kwenye siku ya watu waliotoweka, familia zisaidiwe kufahamu ni nini kilichofanyika:ICRC

30 Agosti 2012

Familia za watu waliotoweka kote duniani kutokana na migogoro ya silaha na hali nyingine za dharura, zinakabiliana na uchungu wa kutopata habari zozote kuwahusu watu hao.

Wakati serikali husika zina wajibu chini ya sheria ya kibinadamu ya kimataifa kufanya vyovyote vile kutambua ni nini kilichofanyika kwa wale walotoweka, bado kunahitajika kujitolea zaidi ili kuzisaidia familia za watu hao kukabiliana na ugumu wa kuwapoteza watu wao, limesema shirika la kimataifa la msalaba mwekundu, (ICRC) kwenye siku ya kimataifa ya watu waliotoweka.

Shirika hilo limesema kuwa wakati mwingine familia za watu walotoweka hupata njia ya kukabiliana na ugumu huo wa mawazo na hisia kutokana na watu wao kutoweka, hata bila msaada wowote, lakini hata ikiwa ni muda gani umepita, ni muhimu serikali zifanye kila ziwezavyo kutoa maelezo zaidi, na kuwapa usaidizi wanaohitaji kukabiliana na changamoto za kila siku ili waishi kwa heshima. Dorothea Krimitas ni msemaji wa ICRC

(DOROTHEA KRIMITAS CLIP)

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud