IOM yasambaza misaada kwa wakimbizi wa ndani nchini Syria

17 Agosti 2012

Shirika la kimataifa la uhamiaji IOM limeazisha usambazaji wa misaada isiyokuwa chakula kupitia kwa mashirika yasiyokuwa ya kiserikali kwa watu waliohama makoa ambao kwa sasa wamepiga kambi kwenye shule nne mjini Damascus.

Juma hili IOM ilisambaza vifaa 581 kwa usafi kwenye shule ya Fariz Daboos kwenye shule ya Somaya Al Makhzomiya pamoja na kwenye shule za Adnan Kolaki na Ghaliyah Farahat. Kati ya misaada waliyopokea ni pamoja na sabuni , dawa ya ,meno na vifaa vingine vya usafi. Familia nyingi zinazopiga kambi shuleni zinatoka sehemu tofauti za mji wa Damascus na nyingi zilikimbia baada ya kutokea mapigano karibu na makwao mwezi Julai.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud