Mtaalam wa haki za binadam kuzuru Sudan

8 Juni 2012

Mtaalam huru ambaye ameteuliwa na Umoja wa Mataifa kwa ajili ya hali haki za binadam nchini Sudan, Mashood Adebayo Baderin, ataizuru Sudan tarehe 10-14 Juni, ili kuangalia sehemu zinazohitaji msaada wa kitaaluma na kuongeza uwezo wa taifa hilo wa kutekeleza majukumu yake ya kulinda haki za binadamu.

Kwenye ziara yake hiyo ya siku tano, Bwana Baderin atakutana na maafisa wa serikali, wawakilishi wa mashirika ya umma, mabalozi na mashirika ya Umoja wa Mataifa. Anatarajiwa kuwasilisha ripoti na mapendekezo yake mnamo mwezi Septemba mwaka huu, kwenye kikao cha 21 cha Baraza la Haki za Binadamu la Umoja wa Mataifa.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter