Misri yadhamiria kuwachanja watoto milioni 12.5 katika kampeni ya Polio

17 Aprili 2012

Misri itazindua kampeni ya siku nne ya chanjo ya Polio April 21 ikiwalenga watoto milioni 12.5 walio chini ya umri wa miaka mitano wamesema maafisa wa serikali ya nchi hiyo.

Kwa mujibu wa Amr Qandeel naibu waziri wa afya anayehusika na dawa za kinga, chanjo ni muhimu sana kutokana na sera za serikali za kuwachanja watoto dhidi ya magonjwa hatari kama Polio. Waziri Qandeel amesema wametoa wito kwa wazazi wote kujitokeza katika vituo vya afya ili kuruhusu watoto wao kupata matone ya chanjo.

Misri ilitangazwa kuwa huru bila ugonjwa wa polio mwaka 2006 baada ya kuorodhesha kisa cha mwisho mwaka 2004. Kampeni hii itaigharimu serikali dola milioni 5 na kuhusisha wahudumu wa afya 800,000.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter