Ban ayataka mataifa kuunga mkono jitihada za kumaliza mzozo nchini Syria

2 Aprili 2012

Katibu Mkuu wa Umoja wa Mataifa Ban Ki-moon amezishauri nchi zilizohudhuria mkutano kuhusu Syria mjini Istanbul nchini Uturuki kuunga mkono jitihada za Umoja wa Mataifa na muungano wa nchi za kiarabu katika kumaliza mzozo ulio kwenye taifa hilo la mashariki ya kati ambao umesababisha vifo vya zaidi ya watu 8000 tangu mwezi Machi mwaka uliopita.

Ban amesema kuwa hatua kubwa zimepigwa tangu kuandaliwa kwa mkutano wa kwanza wa nchi marafiki ya Syria uliondaliwa terehe 24 mwezi Februari mjini Tunis huku nchi zikimuunga mkono mjumbe maalum wa Umoja wa Mataifa na muungano wa nchi za kiarabu Kofi Annan.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud