Annan na Rais wa Urusi wakutana na kujadili hali ya Syria

26 Machi 2012

Mwakilishi maalumu wa Umoja wa Mataifa na Jumuiya ya nchi za Kiaarabu Kofi Annan amewasili Moscow na kukutana na Rais Demitri Medvedev kujadili suala la Syria na njia za kumaliza matumizi ya nguvu na mauaji nchini humo.

Annan anajaribu kuishwishi Urusi ambayo ni mshirika muhimu wa Syria ichukue msimamo mkali dhidi ya Rais Bashar al Assad.

Katika mazungumzo yao Rais Medvedev ameonya kwamba ujumbe wa Kofi Anna uliotumwa Syria unaweza kuwa ni fursa ya mwisho ya kuepuka vita. Annan anasisitiza machafuko lazima yakome na suluhu ipatikane kwa njia ya amani. Ameishkuru Urusi na kusema atahitaji ushirikiano wake katika suala hili.

(SAUTI YA KOFI ANNAN)

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud