Walioathiriwa na mvua wanahitaji msaada nchini Burundi

22 Februari 2012

Takriban watu 2000 waliolazimika kuhama makwao kufuatia mvua kubwa kwenye eneo la Gatumba lililo nje ya mji mkuu wa Burundi Bujumbura kwa sasa wanahitaji chakula na makao. Mvua hiyo iliharibu karibu nyumba 400 na kuna hofu ya kutokea kwa uharibifu zaidi kwenye maeneo yaliyoathirika yakiwemo Kinyinya , Mushasha na Muyange.

Nyumba hizo zinazungukwa na maji huku zingine zikizidi kuporomoka. Maafisa katika eneo la Gatumba wametoa wito kwa serikali na mashirika ya kutoa misaada kuzisaidia familia zilizoathirika. Walioathiriwa kwa sasa wamechukua hifadhi kwa majirani ambao nyumba zao hazikuporomoka.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter