Ban asema kupingwa kwa azimio dhidi ya Syria kuutia dosari UM

5 Februari 2012

Katibu Mkuu wa Umoja wa Mataifa Ban Ki-moon ameelezea masikitiko yake kwa Baraza la Usalama kushindwa kuafikiana kuhusu Syria. Wajumbe 13 kati ya 15 wa Baraza la Usalama wamepiga kura kuunga mkono azimio lililowasilishwa na Morocco lakini Urusi na Uchina wakaamua kutumia kura yao ya turufu.

Na kura yoyote ya turufu kutoka kwa mmoja wa wanachama wa kudumu wa Baraza la Usalama inamaanisha azimio haliwezi kupitishwa. Ban amesema kukwamishwa kwa kura hiyo kunautia dosari Umoja wa Mataifa na jumuiya ya kimatifa katika wakati ambao serikali ya Syria ilipaswa kusikia sauti ya pamoja.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter