Sudan Kusini yajiunga na UNESCO

31 Oktoba 2011

Shirika la elimu , Sayansi , na utamaduni la Umoja wa Mataifa UNESCO limelikaribisha taifa jipya la Sudan Kusini ambayo ndiyo nchi iliyo na viwango vya chini zaidi vya elimu duniani.

Kwenye sherehe zilizofanyika mjini Paris yaliyo makao makuu ya UNESCO bendera ya Sudan Kusini ilipandishwa kando na za wanachama wengine 193 wa UNESCO. Sherehe hiyo iliandaliwa siku mbili baada ya Sudan Kusini kukamilisha kutimiza mahitaji ya katiba ya shirika hilo.

Kwenye sherehe hizo mkurugenzi mkuu wa UNESCO Irina Bokova amesema kuwa taifa la Sudan Kusini linakabiliwa na changamoto nyingi lakini akaahidi kuwa Shirika lake litaisadia Sudan Kusini kujenga mifumo ya elimu na pia kuwapa mafunzo waalimu

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud