UM walaani matumizi ya nguvu dhidi ya waandamanaji nchini Yemen

18 Oktoba 2011

Ofisi ya haki za binadamu ya Umoja wa Mataifa imelaani mauaji ya waandamanaji wenye amani kwenye miji ya sanaa na Taiz nchini Yemen. Ghasia zilizuka mwishoni mwa juma na ofisi hiyo ya haki za binadamu inasema kuwa mauaji hayo yalitokana na matumizi ya nguvu kupita kiasi kutoka kwa vikosi vya usalama. Hata hivyo ghasia zinaendelea kushuhudiwa wakati waandamanaji wanapotaka uongozi wa rais Ali Abdullah Saleh wa miaka 33 uondoke madarakani. Rupert Colville ambaye ni msemaji wa ofisi ya haki za binadamu ya UM amelaani pia vikali mauaji hayo.

(SAUTI YA RUPERT COLVILE)

 

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter