Kimbunga Irene chaanza kuleta madhara

26 Agosti 2011

Shirika la Kimataifa linalohusika na upimaji wa hali ya hewa, limeonya juu ya uwezekano wa kutokea maafa zaidi wakati kunapojiri kimbunga Irene, ambacho tayari kimesababisha vifo vya watu 2 nchini Haiti na kusababisha uharibifu wa nyumba na mali nyingine ikiwemo bara bara.

Tayari watu 1,000 wameokolewa na kuwekwa kwenye vituo maalumu wakati kimbunga hicho kilipopiga kwenye eneo la pwani ya Caribbean juma hili. Kiwango cha tahadhari kimepandishwa zaidi nchini Haiti huku mashirika ya kimataifa yakiendelea kuchukua juhudi za ziada. Kuna taarifa za kutokea maafa ya hapa na pale katika nchi kadhaa zilizoko kwenye pwani ya Caribbean.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud