Hali bado mbaya kwenye pembe ya Afrika WHO

15 Julai 2011

Shirika la afya duniani WHO linasema kuwa kutokana na kuwepo kwa huduma duni za kiafya kwenye maeneo yanayokumbwa na ukame , hali duni ya kutoa chanjo , kuhama kwa watu na ukosefu wa mji safi pamoja na usafi, sasa kuna hatari kutokea maambukizi ya magonjwa.

Wanasema kuwa lengo la sekta ya kiafya ni kushughulikia hali mbaya ya utapiamlo iliyopo sasa , magonjwa ya watoto , afya ya akina mama, utoaji wa chanjo na kuzuia magonjwa yanayotokana na maji. WHO inasema kuwa sekta ya afya imetengewa fedha kidogo wakati ambapo mahitaji ya kuwapa huduma za dharura watoto wanaosumbuliwa na utapiamlo yakiongezeka. Tarik Jasarevic kutoka WHO anasema kuwa shirika hilo linachukua hatua za kusaidia hali hiyo na pia kuwapa mafunzo wahuduma wa afya.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter