Mawaziri wa afya wajadili magonjwa yasiyo ya kuambukiza

28 Aprili 2011

Mawaziri wa afya kutoka kote duniani leo wameanza mkutano wa siku mbili mjini Moscow Urusi ili kujadili magonjwa yasiyo ya kuambukiza.

Kwa mujibu wa shirika la afya duniani WHO mkutano huu ni muhimu sana kwa kampeni ya kimatafa kukabiliana na maradhi hayo ikiwemo saratani, maradhi ya moyo, kisukari na magonjwa sugu ya mapafu.

Mkutano huo umeandaliwa na serikali ya Urusi na WHO na lengo kubwa ni kuzisaidia nchi wanachama wa Umoja wa Mataifa kuanzisha na kuimarisha sera na mipango kuhusu maisha yanayozingatia misingi ya afya na kuzuia magonjwa yasiyo ya kuambukiza.

Magonjwa haya yanakatili maisha ya mamilioni ya watu kila mwaka na waathirika wakubwa ni nchi za kipato cha chini na cha wastani. Profesa P. Anyang'nyong ni waziri wa afya wa Kenya na ni miongoni mwa wanaohudhuria mkutano huo.

(SAUTI YA P. ANYANG'NYONG)

 

Shiriki kwenye Dodoso UN News 2021:  Bofya hapa Utatumia dakika 4 tu kukamilisha dodoso hili.

♦ Na iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter