Wasomali milioni 2.4 wanahitaji msaada:UM

27 Aprili 2011

Umoja wa Mataifa umesema kuwa takriban watu milioni 2.4 nchini Somalia wakiwa ni asilimia 32 ya watu wote nchini humo kwa sasa wanahitaji msaada wa kibinadamu lakini idadi hii huenda ikaongezeka zaidi kutoka na mzozo unaondelea kushuhudiwa nchini humo na ukame wa muda mrefu ambao umesababisha kufariki kwa mifugo wengi.

Kupanda kwa bei ya vyakula na mafuta vimekuwa changamoto kubwa kwa jamii maskini zaidi ambazo pia ziliathirika na ukame wa kati ya mwaka 2007 hadi 2009. Bei ya nafaka inazidi kupanda ikiwa ni kwa asilimia 135 mwezi machi mwaka huu ikinganishwa na wakati kama huo mwaka uliopita.

Mashirika yanayohusika na chakula ya Umoja wa Mataifa yanaonya kuwa huenda hali ikawa mbaya zaidi ikiwa ukame utazidi kuwepo na watu kuhama makwao kufuatia mzozo uliopo nchini Somalia.

 

Shiriki kwenye Dodoso UN News 2021:  Bofya hapa Utatumia dakika 4 tu kukamilisha dodoso hili.

♦ Na iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter