Pillay ashangazwa na mauaji yanayoendelea Syria

12 Aprili 2011

Mkuu wa tume ya haki za binadamu ya Umoja wa Mataifa Navi Pillay ameeelezea kushangazwa kwake kufuatia kuendelea kuripotiwa visa vya mauaji ya waandamanaji na vikosi vya usalama nchini Syria.

Na pia matukio yaliyoshamiri ya kukamatwa kwa watetezi wa haki za binadamu ikiwa ni pamoja na kuhangaishwa kwa waandishi wa habari. Amesema kuwa ni lazima serikali ya Syria iwaachilie huru waandishi wa habari wanaozuiliwa na iheshimu haki ya kusema.

Pillay pia ameitumia fursa hiyo kuukumbusha utawala wa Syria kuwa matumizi ya nguvu dhidi ya waandamanaji hakujaleta utulivu katika eneo hilo.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter