UN-HABITAT kufanya mkutano kujadili mipangilio ya miji

6 Aprili 2011

Wajumbe kutoka sehemu mbali mbali duniani wanatarajiwa kukutana mjini Nairobi nchini Kenya kwenye mkutano wa baraza la shirika la makaazi la Umoja wa Mataifa la UN-HABITAT unaotarajiwa kung\'oa nanga tarehe 11 na kumalizika tarehe 15 mwezi huu.

Baraza hilo kawaida huwa linakutana baada ya miaka miwili kujadili huduma za shirika la UN-HABITAT na uhusiano katika yake na washirika wake. Wakati wa mkutano huo mkurugenzi mpya wa shirika hilo Joan Clos ambaye awali alikuwa Meya wa mji wa Barcelona atatoa mipango yake na kuelezea ajenda ya shirika hilo kwa miaka inayokuja.

Mkutano huo wa juma moja utahudhuriwa na mawaziri , maafisa wa ngazi za juu na waakilishi wengine wa serikali wakiwemo washirika wa shirika la UN-HABITAT ambapo pia suala la athari za mabadiliko ya hali ya hewa mijini litajadiliwa.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter