Kennedy Lawford ateuliwa kuwa balozi mwema wa UNODC

23 Machi 2011

Balozi mwema wa shirika la Umoja wa Mataifa la kupambana na madawa ya kulevya na uhalifu UNODC Christopher Kennedy Lawford anasema kuwa amehitimu kwa njia ya kipekee kuchukua wadhifa huo.

Kennedy Lawford ambaye ni mpwa wa rais wa zamani wa Marekani John F. Kennedy pia ni mcheza filamu na pia ameishi kama mtawaliwa wa madawa ya kulevya ya heroin. Bwana Kennedy ambaye pia amehitimu shahada ya uanasheria anasema kuwa anafahamu jinsi ya kuzungumza na watawaliwa wa madawa ya kulevya, waunda sera ,wanasiasa na hata mawaziri.

Kennedy aliteuliwa kuchukua wadhifa huo na mkuu wa ofisi ya Umoja wa Mataifa inayopambana na madawa ya kulevya na uhalifu Yuri Fedotov.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter