Pande hasimu nchini Libya zatakiwa kusitisha mapigano

16 Machi 2011

Katibu Mkuu wa Umoja wa Mataifa Ban Ki moon amezitaka pande zilizo kwenye vita nchini Libya kukukubali kusitisha mapigano hayo.

Ban alionya kuwa wale wote wanaotumia wanajeshi kuwashambulia raia watachukuliwa hatua za kisheria. Wito huo wa Ban unajiri wakati ambapo wanajeshi wa Libya wanapoendelea kuwashambulia waasi yakiwemo mashambulizi ya angani. Ban ameongezea kuwa mashambulizi kwenye miji kwa mfano mji wa Benghazi kunayaweka hatarini maisha ya raia. Ban amezitaka pande husika kusitisha mapigano na kuheshimu azimio la Umoja wa Mataifa la 1970.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud