Ban atoa wito kwa Israel na Lebanon kutekeleza azimio la UM

10 Machi 2011

Katibu Mkuu wa Umoja wa Mataifa Ban Ki moon amesema kuwa kuchelewa kuundwa kwa serikali mpya nchini Lebabon kumezuia kutekelezwa kwa masharti yaliyo kwenye azimio la Umoja wa Mataifa lililomaliza vita kati ya Israel na Hezbollah mwaka 2006.

Serikali ya Lebanon iliyokuwa ikiongozwa na Saad Hariri ilisambaratika kufuatia kujiuzulu kwa mawaziri 11 wa Hezbollah baada ya serikali kukataa kusitisha ushirikiano na mahakama inayoungwa mkono na Umoja wa Mataifa inayochunguza mauaji ya aliyekuwa waziri wa zamani wa Lebanon Rafiq Hariri.

Ban ametoa wito kwa serikali mpya itakayoundwa nchini Lebanon kuendelea kushirikiana na mahakama hiyo iliyoundwa baada ya Umoja wa Mataifa kugundua kuwa uchunguzi uliokuwa ukiendeshwa na serikali ya Lebanon ulikuwa umekumbwa na utata.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter