Mauaji ya waziri Pakistan yalaaniwa:Pillay

2 Machi 2011

Kamishina mkuu wa haki za binadamu wa Umoja wa mataifa Navi Pillay leo amelaani mauaji ya waziri anayehusika na masuala ya walio wachache nchini Pakistan bwana Shahbaz Bhatti ambaye ni kiongozi wa pili kuuawa tangu kuanza kwa mwaka huu kwa sababu ya kupinga sheria za nchi hiyo za kukashifu dini.

Bwana Bhatti aliuawa baada ya mtu mwenye silaha kushambulia gari lake mjini Islamabadi hii leo. Tarehe 4 Januari gavana wa Punjab Salman Taseer pia aliuawa mjini Islamabad baada ya mmoja wa walinzi wake kumpiga risasi kwa sababu ya kupinga sheria hizo.

Bi Pillay amesema mauaji hayo ni pigo kubwa kwa Pakistan na kwa hatma ya haki za binadamu, na kusema anatuai serikali itawashughulikia waliofanya mauaji hayo na kuzifanyia marekebisho sheria zake.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter