Wafuasi wa Ouattara wamekwama Abijan:UNHCR/UNICEF

1 Machi 2011

Shirika la Umoja wa Mataifa la kuhudumia wakimbizi UNHCR limesema linaendelea kutiwa hofu na hali ya raia ambao ni wafuasi wa Alassane Ouattara nchini Ivory Coast ambao wamekwamba kwenye wilaya ya Abobo mjini Abijan kufuatia mapigano ya hivi karibuni.

Kwa mujibu wa UNHCR mji huo ulio na watu milioni 1.5 bado umeghubikwa na hofu huku maelfu ya watu wamekimbia, lakini makundi yenye silaha yakiarifiwa kuwazuia baadhi ya watu kuondoka na UNHCR imesitisha ujenzi wa kambi ya wakimbizi.

Shirika la kuhudumia watoto UNICEF linasema wanawake na watoto ndio waathirika wakubwa na maradhi ya surua na homa ya manjano yameongeza adha. Shirika hilo linasema watoto wengi wamepata chanjo kama anavyofafanua msemaji wa UNICEF Marixe Mercado

(SAUTI YA MARIXE MERCADO)

 

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter