Viongozi wa dunia wameitaka Libya kumaliza ghasia zinazoendelea nchini humo

28 Februari 2011

Uongozi wa Libya umekosolewa vikali kutokana na ghasia zinazoendelea na ukandamizaji wa waandamanaji wanaipinga serikali.

Wakizungumza kwenye mkutano wa baraza la haki za binadamu mjini Geneva hii leo mawaziri wa mambo ya nje kutoka nchi mbalimbali duniani wamesema usakaji na utesaji wa waandamanaji haukubaliki na wameunga mkono kusitishwa uanachama wa Libya katika baraza hilo.

Kamishina mkuu wa haki za binadamu Navi Pillay amesema jumuiya ya kimataifa lazima iendelee kutoa shinikizo kwa serikali ya Libya hasa katika kuheshimu misingi ya uhuru wa raia wake na kukomesha ghasia.

(SAUTI YA NAVI PILLAY)

Kamishina mkuu ameitaka jumuiya ya kimataifa kuchukua hatua za kusaidia kuheshimiwa kwa haki za binadamu na mchakato wa demokrasia ambao sasa umelikumba eneo la Mashariki ya Kati na Afrika Kaskazini.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud