Juhudi za UNHCR za kusaidia Wakongomani walioko Burundi kurudi nchini mwao

25 Februari 2011

Juhudi za shirika la Umoja wa Mataifa la wakimbizi UNHCR pamoja na serikali za Burundi na Congo za kutaka wakimbizi wakongomani walioko Burundi kuanza kurudi nchini mwao kwa hiari zimegonga mwamba.

Wakimbizi hao wanaokadiriwa karibu 30 Elfu wamewasilisha hoja mpya ikiwa ni pamoja na kuomba uraia katika nchi ya hifadhi ya Burundi au wapelekwe kupewa hifadhi katika nchi za magharibi.

Wakuu wa HCR nchini Burundi pamoja na viongozi wa serikali ya Burundi walikuwa wiki hii katika kambi za wakimbizi wa Congo kaskazini mwa Burundi kukadiria ni wapi umefikia mpango wa kuwarejesha wakimbizi hao nchini mwao.

Muandishi wetu wa maziwa makuu Ramadhani KIBUGA ameambatana na ujumbe huo hadi kwenye kambi za wakimbizi na kutuandalia makala haya.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter