Ghasia zilizosababisha maafa Nigeria zalaaniwa na Ban

27 Disemba 2010

Katibu mkuu wa Umoja wa Mataifa amelaani ghasia zilizoshuhudiwa katika sehemu kadha nchini Nigeria katika siku za hivi maajuzi na kusababisha vifo vya watu 30 huku wengine zaidi ya 70 wakijeruhiwa.

Kulishuhudiwa mashambulizi ya mabomu katika mji wa Jos katika jimbo la Plateau siku ya Ijumaa na kufuatiwa na makabiliano makali mjini humo mji ambao umekuwa ukikumbwa na ghasia awali kati ya waumini wa kikirsto na wa kislamu.

Wakati wa ghasia hizo kundi moja la kiislamu lilishambulia makanisa mawili katika jimbo la kaskazini la Borno ambapo watu kadha waliuawa. Kupitia kwa msemaji wake Ban alishutumu mashambulizi hayo hususan wakati huu mamilioni ya watu wanaposherehekea sherehe takatifu ambapo pia aliiunga mkono jitihada za serikali ya Nigeria za kuwachukulia hatua wahusika.

 

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter