UM waitaka Myanmar kuharakisha maendeleo ya demokrasia

29 Novemba 2010

Mjumbe wa Umoja wa mataifa ailiyeko ziarani nchini Myanmar amezihimiza mamlaka nchini humo kuweka nguvu zaidi kwenye ujenzi mpya wa demokrasia na maridhiano ya kitaifa hasa katika kipindi hiki ambacho taifa hilo linaanza safari mpya.

Vijay Nambiar, ambaye ni mwakilishi wa Katibu Mkuu nchini humo amesema kuwa huu ni wakati kwa viongozi kuanza kushughulikia kero na mashaka yaliyoibuka wakati wa uchaguzi mkuu uliopita. Mjumbe huyo amesema kuwa amekutana na pande mbalimbali ambako amepokea kilio kinachoelezea wasiwasi walionao wananchi kuhusiana na namna mchakato wa uchaguzi mkuu ulivyoendeshwa, hivyo amezitaka mamlaka zinazohusika kushughulikia kasoro zote zilizojitokeza.

Nchi hiyo ilifanya uchaguzi wake wa kwanza katika kipindi cha miaka 20 iliyopita November 7, uchaguzi ambao uliangaliwa kama kipimo cha kuanza kuchipua upya kwa demokrasia iliyokandamizwa kwa miaka mingi.

 

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter