Baada ya kuruka viunzi Ban ataka serikali mpya Iraq iundwe

13 Novemba 2010

Katibu Mkuu wa Umoja wa Mataifa Ban Ki-moon amekaribisha hatua kubwa ya kusonga mbele iliyofikiwa baada ya miaezi kadhaa ya kukwamba kuunda serikali mpya ya Iraq na amewataka viongozi wan chi hiyo kukamilisha mchakato kwa amani.

Katika taarifa yake Ban amesema anavipongeza vyama vyote vya kisiasa na viongozi wao kwa kufikia muafaka ambao utazingatia matakwa ya watu wote wa Iraq . Amewataka viongozi hao kuendelea kuonyesha moyo wa mshikamano katika kukamilisha mchakato huo na hatimaye kuundwa serikali mpya.

Ban ameyaatia maafikiano hayo baada ya kukwama kwa miezi minane kuwa ni hatua kubwa katika mchakato wa kuelekea demokrasia nchini Iraq.Amempongeza Rais Jalal Talabani kwa kuchaguliwa tena na kukaribisha uchaguzi wa spika wa baraza la wawakilishi na uteuzi wa waziri mkuu Nuri al-Maliki.

Baraza la usalama limekaribisha matokeo ya mchakato huo wa kisiasa uliojumuisha pande zote na kuwataka Wairaq sasa kujielekeza kwenye maridhiano ya kitaifa.Majadiliano ya kuundwa kwa serikali nchini Iraq yamekuwa yakiendelea tangu kufanyika kwa uchaguzi wa bunge mwezi Machi mwaka huu.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter