Ban ataka nchi za Chad na Afrika ya kati ziungwe mkono wakati MINURCAT ikijiandaa kuondoka

29 Oktoba 2010

Wakati vikosi vya kulinda amani vya Umoja wa Mataifa katika nchi za Chad na Jamhuri ya Kati MINURCART vikiwa katika maandalizi ya kuondoka kwenye nchi hizo, Katibu Mkuu wa Umoja huo wa Mataifa ametia uzito haja ya kuziunga mkono nchi hizo ili ziweze kutatua matatizo yake zenyewe.

Bwana Ban Ki-moon amesema lazima nchi hizo ziungwe mkono na kupewa nafasi ya ili ziweze kusaka ufumbuzi kwenye changamoto zinahusika na masuala ya usalama pamoja misaada ya kibinadamu.

Kikosi hicho cha Umoja wa Mataifa kinachojulikana kama MINURCAT kilipelekwa kwa kuzingatia azimio la Baraza la usalama mnamo mwaka 2007 kwa shabaya ya kutoa ulinzi na kuhakikisha usalama wa raia kufuatia machafuko yaliyozuka baina ya nchi hizo mbili na mzozo mwingine ulioihusisha Sudan.

Kinatazamiwa kumaliza kazi yake mwishoni mwa mwaka huu kufuatia ombi lililowakilishwa na Serikali ya Chad kwa baraza la usalama.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter