Uwekezaji katika hali ya hewa ni muhimu kwa siku za usoni:Ban

14 Julai 2010

Katibu Mkuu wa Umoja wa Mataifa Ban Ki-moon amesema kuwekeza kifedha katika hali ya hewa ni uwekezaji salama, safi na wa matumaini mazuri kwetu sote katika siku za baadaye.

Ban ameyasema hayo baada ya mkutano na mwenyekiti mwenza wa kundi la ngazi za juu la ushauri kuhusu mabadiliko ya hali ya hewa. Ban amesema viongozi wa dunia lazima watimize ahadi zao za msaada kwa nchi zinazoendelea ili kukabiliana na mabadiliko ya hali ya hewa.

(SAUTI YA BAN )

Amesisitiza kwamba ni muhimu kujenga hamasa ya majadiliano ya kimataifa kuhusu suala hili, kwani mabadiliko ya hali ya hewa sio jambo linalokwisha.

 

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter