Afisa wa Umoja wa Mataifa atoa tahadhari kuhusu hali ya jimbo la Darfur

30 Mei 2010

Mratibu wa masual ya kibinadamu wa Umoja wa Mataifa anayezuru Darfur amesisitiza kuwa hali katika jimbo hilo la Sudan lililoghubikwa na vita ni mbaya.

Amesema mapigano ya karibuni baiana ya vikosi vya serikali na waasi yamekatili maisha ya watu wengi na kuwafanya maelfu kuzikimbia nyumba zao. Mashirika yasiyo ya kiserikali yamesitisha operesheni zake Mashariki mwa Jebel Marra kutokana na usalama mdogo.

Katika mkutano wake na kaimu gavana wa Darfur na maafisa wengine wa eneo la Nyaka mratibu huyo John Holmes amesisitiza haja ya serikali kuruhusu na kusaidia fursa ya mashirika ya misaada kuwafikia walengwa. Holmes katika ziara hiyo nchini Sudan pia ameelezea wasiwasi wake juu ya usalama wa wafanyakazi wa misaada kwenye jimbo la Darfur hasa masuala ya utekaji nyara wa wafanyakazi hao.

 

Shiriki kwenye Dodoso UN News 2021:  Bofya hapa Utatumia dakika 4 tu kukamilisha dodoso hili.

♦ Na iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter