Bara la Afrika lahitaji mshikamano ili kujikomboa:Asha Rose Migiro

21 Mei 2010

Naibu Katibu Mkuu wa Umoja wa Mataifa Bi Asha Rose Migiro amesema kuwa mshikamano ni muhimu kuwepo kwa mataifa ya Afrika.

Akizungumza katika ufunguzi wa mkutano wa siku mbili jana jioni mjini Bologna nchini Italy Asha Rose Amesema mataifa mengi ya Afrika yamechukua hatua za kijasiri kujenga maisha bora ya siku za usoni kwa raia wake.

Amesema kwa sababu hiyo kwa mara ya kwanza nchi nyingi za afrika zimeweza kuwa na ukuaji wa uchumi wa asilimia tano kwa muda wa miaka kadhaa licha ya uchumi wa dunia kudorora hivi karibuni. Ameongeza kuwa mataifa ya Afrika yamekuwa msitari wa mbele kukiri kuwa katika enzi hii ya utandawazi juhudi za taifa moja pekee haziwezi kuleta ufanisi mkubwa.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter