Zaidi ya wiki tangu volkano ya Eyjafjalla kulipuka tathmini ya athari yafanyika

21 Aprili 2010

Kitengo cha Umoja wa Mataifa kinachohusika na kupunguza athari za majanga na jumuiya ya Ulaya ya masuala ya volkano wamezungumza na waandishi wa habari mjini Geneva kuhusu athari za volkano nchini Iceland.

Rais wa jumuiya ya Ulaya ya masuala ya volkano Henry Gaudru amesema volkano ya Iceland ni ndogo ikilinganishwa na volkano zingine za hivi karibuni kama Pinatubo. Amesema kilichofanya volkano ya Iceland kuwa na uzito mkubwa ni moshi mzito ambao unaelekea Ulaya na kusababisha tafrani katika usafiri wa anga.

Amesema ni salama kusafiri kwa sasa lakini akaongeza kuwa ni jukumu la kila nchi kuhakikisha usalama wa ndege zinazosafiri.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud