Mafuriko yawafanya maelfu kukosa makazi zambia na Msumbiji

11 Machi 2010

Mvua kumbwa zinazoendelea kunyesha kaskazini mwa Msumbiji na kaskazini mwa zambia zimesababisha vina vya maji katika mito kujaa na hivyo serikali kuamua kufungua maji ya bwawa la Kariba nchini Zimbabwe na Kahora Bassa nchini Msumbiji.

Shirika la kuratibu misaada ya kibinadamu OCHA linasema pia mvua hizo zimesababisha mafuriko makubwa katika baadhi ya maeneo. Juzi serikali ya Msumbiji ilitangaza hali ya tahadhari baada ya baadhi ya maeneo kukumbwa na mafuriko.

Watu elfu 13 wamehamishiwa kwenye maeneo ya usalama, na nchini Zambia inakadiriwa kuwa familia 800 zimeathirika na mafuriko hayo na zingine 150 zimelazimika kupelekwa kwenye kambi za muda zilizoandaliwa na serikali.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud