FAO kusaidia mfumo rahisi wa umilikaji ardhi

5 Februari 2010

Serikali ya Finland na shirika la chakula duniani FAO wamekubaliana kuzisaidia nchi mbalimbali kuanzisha mfumo endelevu na ulio rahisi wa umilikaji ardhi , ili kuimarisha udhibiti wa ardhi katika maeneo ya vijijini na mijini.

Mradi huo utakaogharimu dola milioni 2.4 utazisaidia nchi wanachama wa FAO kujaribu kuiga mfumo huo ambao ni wa gharama nafuu na tekinolojia rahisi kwa faida ya kuweka kumbukumbu zao za masuala ya ardhi.

Majaribio ya mradi huo yatafanyika Ghana, Nepal na Samoa. Kwa mujibu wa mkurugenzi mkuu msaidizi wa FAO Alexander Muller mfumo mzuri na ulio wazi wa umiliki wa ardhi ni muhimu sana katika kuhakikisha usalama kwenye maeneo ya vijijini na mijini.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter