Tukio la mripuko Tanzania bado linaathiri kihali maelfu ya raia

22 Mei 2009

Kamati ya Kimataifa ya Msalaba Mwekundu na Hilali Nyekundu (IFRC) imeripoti maelfu ya raia wa Tanzania waliong’olewa makazi, wiki tatu nyuma, kwenye eneo la Dar es Salaam liliopo karibu na kambi ya kijeshi, bado wanaendelea kuishi kwenye mazingira magumu na wanahitajia kufadhiliwa misaada ya dharura, ya kihali, kwa muda mrafu ujao, kumudu maisha.

IFRC imeanzisha kampeni maalumu sasa hivi ya kuchangisha msaada wa dharura wa dola 450,000, kuusaidia kihali umma huo. Julius Kejo, meneja anayehusika na huduma za kudhibiti maafa, kutoka tawi la Msalaba Mwekundu Tanzania, amenakiliwa akisema "watu 20,000 waliopoteza makazi kwa sasa  ... wanahitajia mahema na kadhia nyengine za kihali, huduma ambazo zitawapatia waathirika hawa angalau hadhi wastani ya kiutu kumudu maisha."

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter