Wakaguzi wa IAEA wapigwa marufuku Korea ya Kaskazini

16 Aprili 2009

Shirika la UM juu ya Matumizi ya Amani ya Nishati ya Nyuklia (IAEA) limeripoti kwamba wakaguzi wa UM waliohusika na uchunguzi wa shughuli za kiwanda cha nishati ya nyuklia, kiliopo kwenye mji wa Yongbyon, katika Jamhuri ya Kidemokrasia ya Umma wa Korea (Korea Kaskazini) wamelazimika kuondoka nchini Alkhamisi ya leo.

Wakaguzi hawa walihama Korea Kaskazini baada ya kuondosha vifaa vya IAEA pamoja na kamera za uchunguzi kutoka kile kiwanda cha Yongbyon, kuridhia ile amri ya Serikali ya Korea Kaskazini ilioarifiwa IAEA, mnamo Ijumanne ya tarehe 14 Aprili, ya kwamba watasitisha, halan, ushirikiano wote na taasisi hii ya UM.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter